杜汶泽大方教床技引人入“性” 陈伟霆虚心学

　　陈伟霆（William）与蔡卓妍（阿Sa）被踢爆拍拖时，他不懂如何面对排山倒海的负面新闻，搞到思绪混乱，幸当时得到前辈杜汶泽一言惊醒，令他茅塞顿开。两个年纪相差一大截的麻甩佬，见面当然讲女，阿泽更不吝啬跟William分享拍做-爱戏的经验，引人入“性”。

　　W：陈伟霆 杜：杜汶泽

　　W：继G.E.M.、曾国祥同诗雅之后，你和我“唱双簧”最后一集嘉宾，好多谢你帮手。

　　杜（八卦地）：你同G.E.M.传过绯闻，不怕阿Sa不开心？

　　W（信心十足）：假的嘛，又不是真真，而且是好久之前的事，所以没有事。

　　杜：你成日同靓女合作，你又这么靓仔，阿Sa会不会看得你好紧？

　　W：因为她自己质素都不差，所以她对我很放松。

　　杜：她好有自信可以击退狂蜂浪蝶！

　　W：不好这么说她啦！自己认识杜生当然睇你啲戏，留有深刻印象，之后一齐拍咗两部戏，你系一个良师，我面对你要扮到好专业。

　　杜：现在你还怕什么啦！由诗雅杀到落去夏文汐、周慧敏、吴家丽。我反而特别欣赏你喺《出轨的女人》做双面人角色，拿捏得好准确，加上你嗰排公、私事都繁忙，咁情况下做到呢个效果算OK。

　　真正男人懒理闲言

　　W：拍这部戏是我同阿Sa刚刚公开那段时间，开戏个几星期，真是好惨！因为自己性格是收得很厉害，不知怎么面对这些新闻，当时个人思绪好混乱，记得有次拍戏时你同我讲：“不好这样的啦，公开了好舒服，现在不时兴地下情。”一个前辈同我讲“不要这样啦”，我就觉得真的没有事，你嗰句说话作用力好犀利。其实嗰时我冇同任何人倾诉，但你绝对睇到我嘅问题，首先你开解令我舒服，再引导我入戏教我点做，虽然你讲得好玄，但我明白要投入先冇障碍，做人应该冇底线，想做就去做，呢样嘢应用喺我嘅感情生活，我觉得好啱用。人哋点睇你唔使理，又唔会死嘅。

　　杜：其实感情系好脆弱，揾到一个你钟意而佢又钟意你嘅人唔容易，当然社会始终都系势利，唔通要我系天王巨星，女友系茄喱啡咩！我觉得一个真正大男人就算人哋点样话你，都唔会为闲言闲语放弃呢段感情，如果连呢样都克服唔到，唔好话做艺人，做人都好痛苦！系咪先？我又唔系乜影帝级人马，只系喺呢行时间比你长，我都系因为跟好多出色演员合作过，先学到好多嘢，佢哋冇吝啬过将经验同后辈分享，薪火相传我都唔应该收埋呢啲经验。

　　拍亲热戏冇人安慰

　　陈伟霆和杜汶泽因电影结缘，两个麻甩佬乐于分享拍性-爱场面的经验。

　　W：因为自己系硬冲派，拍《前度》时里面好多性-爱场面，大家将焦点摆喺诗雅身上，喺女仔角度佢系大胆啲，因为佢要除衫，大家都要安慰佢，喺嗰刻谂点解冇人安慰我呢？

　　杜：睇你扮到好正常，好似好钟意拍呢啲嘢，但我知其实好难顶。

　　W：我会惊啰，始终经验好少。

　　杜：你惊乜呢？我成日拍呢啲嘢，我最惊对手以为我博懵！你知啦，你嚟做嘢啫，可能有啲人唔系嚟做嘢，以为所有人同佢一样嚟玩嘢，所以拍呢啲戏最怕对手觉得你博懵，否则我冇乜嘢惊，就算有反应都唔尴尬。

　　W：哈哈哈！

　　杜（理直气壮）：你拍戏时如果伤心会喊，眼泪都系真o架！如果拍呢啲***戏，过程当中有生理反应好正常吖！其实你要睇剧情，一啲好轻巧嘅场面，例如两公婆返工啄两嘢好正常，但如果男主角成条脷塞入女主角个口，继而滚动打茄轮，咁就好怪啰！做呢啲戏最重要系对手，如果对手睇法唔同，拍之前要好好沟通。

　　放低底线打好基础

　　W：我就唔系呢个情形，因为诗雅好专业，佢系沉醉电影世界嘅女演员，见亲佢就讲戏，同佢合作完全冇谂过抽水，或者佢抽我水，哈哈。

　　杜：佢唔会抽你水，我作为监制冷眼旁观，你两个系嚟做嘢。诗雅最大障碍系佢好乖女，投入角色要再开拓生活，反而男仔就容易啲，未必要好坏先做到演员，但女仔就要开放啲，上次你两个表现得好好吖。

　　W：同你第二次合作系《出轨的女人》，有《前度》打好基础，可以放开晒自己去拍，慢慢去放低我嘅底线。

　　杜（抵死地）：你有咗一次勇猛经验后，呢次连夏文汐都唔放过，***戏佢算师傅级。我好钟意新人拍床戏，如果连床戏咁尴尬都过到，将自我消灭就可以进入电影世界。听闻王家卫拍《春光乍泄》，第一日就要张国荣同梁朝伟拍最激烈嘅床戏，拍完之后就深深相信自己系同性恋，所以我好赞成后生拍床戏，但有时睇到啲艺人讲嘢又觉得好好笑，成日话如果有好剧本同好导演如王家卫、李安就唔介意，但王家卫未必拍你呢！

　　非一般前辈

　　相比于杜汶泽的口若悬河，爱收埋自己的William显得虚心受教，但阿泽搞笑地称亦在陈伟霆身上学识扮镇定。阿泽说：“你惊唔畀人知，我惊就好多人睇得出，咁好蚀底。”能讲出向后辈学习，完全是非一般的前辈，难怪William谓当日抱着一试心态，没想到对方一口应承跟他做访问，简直惊喜万分。